（第一次打混雙羽毛球）
今日放學後，何生同高佬一早走左...諗住今日放學後一定無羽毛球打啦...其實羽毛球先至係我至愛，對我o黎講甚至籃球都比唔上羽毛球！（平日若果無羽毛球打，我就迫住要同港德打我唔太鍾意既乒乓波...都唔知點解只有我遷就佢，無佢遷就人...佢叫我打乒乓球，無非都係想屈我機之麻...蝦人唔識打...）
突然有一班女神出現，話要打羽毛球!!雖然佢地係唔太識打、成日都要”執波”、要開好多次波比佢地睇，佢地先領略到少少...不過我其實一Ｄ都唔介意！因為我知道自己未識打果陣，仲差過佢地...所以我真係唔介意”執波”多幾次同開多幾次。不過，我覺得佢地好介意o羅，可能係唔好意思啦...
有樣野好奇怪，都唔知點解咁樣同人打羽毛球都會覺得好開心...照計聽人講應該要同自己差唔多水準既人打先會覺得好開心...可能唔識打有唔識打既玩法啦...又或者可能我地就係差唔多水準...不過若果唔識打既玩法會玩得開心Ｄ既話，真係不如用開心Ｄ既玩法啦！可能你聽都我咁講，你會唔多認同我既講法，仲會話我唔識打波。但其實打波既野都係玩下之o麻，何必咁認真呀？開心Ｄ唔係好咩？
其實我都唔太鍾意規矩多多...扮晒專業咁...以羽毛球為例，又話要開對角、又話個波都出界，就唔好打...規矩太多會減低人既興趣...
全站熱搜
留言列表
