(今日好唔開心呀...)
今日P.E.堂,P.E.Sir(Susan Chow)竟然教打排球,我完全比佢考起羅...
本身我一d興趣都冇,唔打算學同埋玩架!!
點知Susan叫我地兩個人一組,丁丁同我一組...
佢好想玩排球嘛,咁我就玩啦...
結果打到我個手臂瘀晒,好痛....
lunch前,何生話曉儀整花我塊羽毛球拍,曉儀都話無,我信曉儀!!所以我覺得佢屈左曉儀...
我唔想佢再繼續屈曉儀,所以我決定要快d同曉儀佢地食完lunch,快d返番學校推測下係邊個做、仲要保護塊拍,等曉儀唔會再比人屈!!
果塊羽毛球拍係曉儀同我買既第一樣野黎架,所以我好重視塊拍!!即使海枯石爛,我都唔比塊拍爛!!但我突然收到風:何生買外賣返學校,所以我行動改變。買個杯麵,上去睇住塊拍...
因為我唔放心...
我懷疑:係何生做既...
佢本身成日都唔守規矩,佢每次攞人野都唔同人講...
今次又係唔同我講就攞我塊拍,仲話我塊拍花左,都唔知係咪佢整花左再屈曉儀...
比我查到係既話,我實唔放過佢!!
因為我臨時走左去食杯麵,加上可能我冇講清楚既關係,所以激嬲左曉儀...
其實我係臨走時有講、o係惠康都有打比曉儀告訴行蹤架,但因為o係惠康度電話收唔到...
其實我邊會唔想曉儀食呀,我咁做都係被迫...我想洗脫曉儀既罪名...
不過反而令我再無面目再見曉儀啦...今次完了...
既然已經不可返轉頭,我只有繼續向前行,照我既意思去做...
我食晒個杯麵,何生先返黎,我等佢食完lunch,我挑戰佢...
因為我覺得依家唯一可做到既就係迫何生向曉儀道歉...
諗住我勝出既話,可以迫佢做道歉果件事...
點知係我輸左...
係跟住果d堂都好down,而且仲好孤單...
- 曉儀又唔睬我...
- 羽毛球賽輸左比何生...
- 手臂瘀晒,好痛...
- 份中化讀書咁有心機做,但都只有7分...明明諗住坐8望9...
- 英文考試卷,死晒...
英文作文份考試卷...我又會考上身,離左題,超低分呀...
會考果時已經U左啦...今次又黎過...
好耐冇試過咁down...
好少可咁多衰野同時發生...
好想逃避呀...
好攰~~
放左學,我約左同肥仔李Sir、港德...
今晚仲好唔好比個電話曉儀呢?我仲有打電話比佢既資格嗎?
留言列表